கூகுள் நிறுவனம் தனது பிரதான இரண்டு சேவைகளின் பெயர்களை மாற்றம் செய்யவுள்ளதாக தகவல்கள் வெளியாகியுள்ளன.
வலைப்பதிவர்களுக்கான Blogger சேவை மற்றும் புகைப்படம் சம்பந்தமான Picasa மென்பொருள் சேவைகளின் பெயரையே இவ்வாறு மாற்றவுள்ளது.
Blogger நம்மில் பலர் நன்கறிந்த இலவச சேவையாகும்.
Picasa என்பது பரவலாகப் பயன்படும் புகைப்படம் சம்பந்தமான ஒரு மென்பொருள் ஆகும்.
இதனை ஒரு புகைப்படத் தொகுப்பு ஏடாகவும் பயன்படுத்தலாம்.
கூகுள் கணக்கு வைத்திருக்கும் எவரும் இதனைப் பயன்படுத்தலாம்.
இதன் மூலம் நாம் இணையத்தில் புகைப்படங்களை சேமிக்கவும், தொகுக்கவும், பகிர்ந்துகொள்ளவும், பதிவேற்றவும் முடியும்.
நேரடியாக இணையத்தின் ஊடாகவே பயன்படுத்தும் வசதியும் உள்ளது.
இந்நிலையில் கூகுள் தனது இரண்டு பிரதான சேவைகளின் பெயர்களை மாற்றும் செய்தியானது அது தனது சமூகவலையமைப்பான 'கூகுள் +' இன் அறிவிப்புக்குப் பின்னரே வெளியாகியுள்ளது.
அதன்படி Blogger சேவையானது Google Blogs எனவும் Picasa சேவையானது Google Photos எனவும் அழைக்கப்படுமென தெரிவிக்கப்படுகின்றது.
கூகுள் இதற்கு முன்னரும் தனது சேவைகளின் பெயரை மாற்றியுள்ளமை குறிப்பிடத்தக்கதாகும்.
கருத்துகள் இல்லை:
கருத்துரையிடுக